قصة عن عائلةخليجية

االسلام عليكم ورحمة الله وبركاته
: ::المقدمه::
(((هاذي عائلة من الكويت)))
فستلا حضون نطق حرف (ج)

ضاحي أبو ناصر:يالله ياعيال...يالله نتعمر عمرة الوداع ورانا درب للكويت وودي أواصل...
أم ناصر:يالله يا مها قومي بسك نوم... قومي ساعديني على الأغراض.
مهاوهي على فراشها:يمه مالي خلق أبي أنام شوي...تو الناس لاحقين.
أبو ناصر:مها يابوج متى بتخلين نوم الظهر هذا اللي يتعب الجسم؟...قومي يالله عاوني أمج.

وفي المغرب تجهزت العائلة الكويتيه اللي كانت في زيارة الأراضي الطاهره....وفي طريقها للكويت كان الطريق طويل...وقطعوه بالسوالف والضحك...
مرت الساعات ثقال وحس بو ناصر انه تعبان خصوصا انه ماعنده ولد كبير يسوق عنه..لكنه ضغط على روحه علشان عياله اللي اشتاقوا لديرتهم وأصدقائهم...

الساعه 1 بالليل:
أم ناصر:مها روحي ورى عند الأغراض وسوي صمون وجبن لإخوانج والله مافيني حيل .
مها:خليهم يولون توهم ماكلين شيبس وبيبسي
أبو ناصر:ايه والله روحي سوي لي انا بعد مشتهي صمونه وجبن من ايدج.
مها:خلاص زين....بس عشانك سوت مها لاخوانها وابوها الصمون ونامت ورى بالسوبر فان , صارت الساعه 3 وأبو ناصر ينعس بشده وماهو قادر يشوف الطريق والعيال كلهم ناموا...حس الدنيا ظلمه جدامه, انحرف عن الطريق ومالت السياره على الموقف وداس على البنزين بقوه وكان هالشي مو من صالحه لانه فقد السيطره وانقلبت السياره عدة مرات....وكان حادث مأساوي

مضت ثلاث ساعات وكان الشارع فاضي ...
أبو ناصر وأم ناصر والولد الصغير اللي كان بحضن أمه على طول ماتوا أما الأولاد الأثنين كانت حالتهم خطره ..ومها كانت بغيبوبه والله العالم بحالتها...

مرت سياره من مكان الحادث وشاف مها على بعد خمس أمتار من مكان الحادث وكانت جنطة الملابس الكبيره على رجولها .. حاول هذا الشاب انه يساعدها ورفع الجنطه عنها ..فيها نبض..وصلت سيارة الإسعاف...
لكن متأخره وماتوا الولدين بالسياره...


يتبع
__________________



البي
مشاهدة ملفه الشخصي
إرسال رسالة خاصة إلى البي
إرسال رسالة بريد إلكتروني إلى البي
البحث عن المشاركات التي كتبها البي
إضافة البي إلى الإتصالات الخاصة بك

08-09-2007 #2 (permalink)
البي
عــضــو مــاســي



الملف الشخصي







آخـر مواضيعي
0 اختبر نفسك
0 فضيحة طالبة في الحمام
0 اجمل القاطع
0 قصة عن عائلة خليجية
0 ادخل على الرابط واستمتع بالقصه
0 رسالة محشش لوزير البلدية
0 رموز خدمة 902
0 مومع السلامةلات خاصة للبنات
0 فن الرسم على الكابتشينو
0 حلى القهوه بالقشطه والتمر

الحالة








--------------------------------------------------------------------------------

الجزء الاول
وعت "مها" بنفسها بعد غيبوبه دامت اسبوعين لقت اجهزه التنفس حولها والشاش مغطي جسمها وهي في قلبها تقول :"ياربي شصار؟ كل عظمه بجسمي تعورني !وين اهلي؟؟" ولما التفتت يمين لقت حرمه بجنبها كانت مها ودها تكلم بس الكلام ماهو قادر يطلع منها ...
سبقتها الحرمه وقالت : الحمدلله على سلامتك يابنتي انا فاطمه وبنتعرف على بعض اكثر لما تلطلعين بالسلامه انشالله ...
في هذه الاثناء دخلت الممرضه المصريه : الحمدلله على السلامه يا مها ايه الجمال ده الله الله اليوم وشك منور
تطالعها مها ونظراتها كلها تقول شالسالفه حاولت تنطق تكلمت وبصعوبه : سستر ..وين اهلي...؟؟؟
الممرضه والحيره بوجهها وعلامات الارتباك مع السلامةنه عليها : هم اهلك !!!حيكونوا بخير طبعا ؟؟انتي خايفه ليه؟
تكلمت الحرمه اللي كانت قاعده : يابنتي يامها انتي عارفه ان الحادث اللي صار لكم مو سهل وهلك مثل حالتك
مها: يعني شنو؟ اهلي فيهم شي شصار بالضبط وانا اللحين وين؟ "كانت مها في قمة توترها"
فاطمه: انتي اللحين في الرياض ...
مها:وشجابني للرياض ؟ اذكر ان الحادث صار في منطقه بعيده عن الرياض !!!! زين وين اهلي وين امي وابوي واخواني
فاطمه: قلتلك اهلك مثل حالتك صدقيني وانشالله تشوفينيهم بس مو ألحين
مها : ومتى اقدر اشوفهم؟
فاطمه: لما تتحسن حالتك وتبقي اقوى من كذا ؟
مها: زين منو انتي ؟
فاطمه:قلتلك انا اسمي فاطمه اخت فيصل الشاب اللي جابك لحد هنا واذا تبغين.....أي شي اطلبيه مني واعتبريني زي اختك
مها: انتي متأكده ان اهلي مافيهم شي ....
فاطمه: مها انتي تعبانه الحين ارتاحي خصوصا انك طايحه بغيبوبه من اسبوعين ...ريحي نفسك ولاتفكري كثير
سكتت مها وبداخلها خوف كبير بس الالام اللي بجسمها خلتها ماتفكر اكثر الا بنفسها....
خوال مها كانوا كلهم مسافرين لسوريا اصلا هم مجرد ولدين وبنت وعلاقتهم مقطوعه معاهم من زمان لخلافات كبيره بينهم وكان ابوها وحيد امه وابوه اللي ماتوا من زمان يعني ماسأل عنها احد ولا اهتم فيها أي مخلوق، غير فيصل اللي نظر للموضوع نظرة تعاطف مع هالبنت كان فيصل على قد الحال نقدر نقول اقرب للفقر منه للغنى.
وهو اللي وداها مستشفى قريب بس المستشفى للاسف كانت امكاناته محدوده بلغ الجهات المختصه وفهمهم ان هو قادر يسفرها للرياض ويدخلها مستشفى خاص ونظرا لان حالتها خطره وماتسمح الانتظار مافكروا كثير ووافقوا بسرعه لان اذا طولوا ممكن تروح فيها البنت، سفرها فيصل للرياض على حسابه الخاص ولما وصل الرياض اخذ سلفه ودخلها مستشفى"دله"الخاص ووقف معها الرجال وقفه مايوقفه احد.
بعد اسبوع : كان الحاح مها على الممرضه كبير ...ودايم تسألها عن اهلها ...
مها: انتي ليش ماتخليني اروح لاهلي واتطمن عليهم ؟
الممرضه: انتي لسه تعبانه ...تتحسن حالتك انشالله وانا بنفسي حوديكي ليهم
مها: سستر انا حاسه بشي مو زين قوليلي اهلي فيهم شي...
وفي هذي اللحظه يدخل الدكتور السعودي اللي كان مدين....
الدكتور: الحمدالله على سلامتك يااخت مها ....ابشرك انك اللحين تعديتي مرحلة الخطر وحالتك مستقره
مها : دكتور ممكن اعرف شصار لامي وابوي واخواني
الدكتور: صح انتي لازم تعرفين عاجلا ام اجلا وان ماعرفتي مني بتعرفين من غيري
مها: ....
الدكتور: اول شي الله سبحانه وتعالى قال في كتابه الحكيم" كل نفس ذائقة الموت" ....خلي ايمانك بالله قوي وهذا القضاء والقدر واللي كاتبه الله ليكي ولغيرك
مها: دكتور انت شتقصد ...اشوفك تطري الموت
الدكتور وهو واقف: الموت حق علينا وعظم الله اجرك بوالديك واخوانك
مها مصدومه من اللي تسمعه: يعني...اهلي ماتوا ..انت شقاعد تقول .....اهلي لا ماماتوا انت تجذب علي
الدكتور: .....
مها: سستر قولي شي...انتي قلتيلي ان انتي بنفسك بتوديني لهم
انهارت مها بالبكاء واغمى عليها ...عطاها الدكتور مهدئات .....
"أي احد مكانها بيكون عارف بشنو هي تفكر وشنو مدى الجرح اللي هي تحسه والحزن اللي عايشه فيه "
فاطمه: البنت صح مسكينه وتكسر الخاطر بس انت ليه تسوي كل هذا ؟
فيصل:والله يافاطمه ماعندي علم ؟ بس البنت مسكينه ومالها احد في المملكه وانا بغيت الاجر
فاطمه: يعني لوكانت مزيونه قلنا حبيتها بس البنت ملامحها مومع السلامةنه للحين كل وجهها كدمات وجروح؟
فيصل: هههههه ياشطنك يافاطمه وشتبين توصلينله معنى كلامك اني ساعدتها لغايه في نفسي ؟
فاطمه:مدري يافيصل احس مافيه سبب تساعدها وانت ماتقدر بلغ السفاره الموجوده هنا وهم بيساعدوها اكيد
فيصل: فاطمه انا بديت بهالشي وانا اللي انهيه ..خلاص انا طالع بغيتي حاجه
فاطمه:سلامتك ياخوي بس وين رايح؟
فيصل:رايح المستشفى......اشرايك تروحين معي؟
فاطمه:قول كذا من الاول !اكيد اروح معك اجل ها اخليك لحالك لاياحبيبي ....الا صحيح انا سمعت من الممرضه ان الدكتور خبرها عن اهلها السبت اللي طاف وانا لما كنت عندها كانت على طول نايمه وماتحس بأحد
فيصل: لاحول ولا قوة الا بالله...... الله يكون بعونها انشالله .....حاولي انك تخففي عنها
يطلع فيصل وهو يقول :خمس دقايق اذا ماجيتي انا ماشي ...)
وتلبس فاطمه عمع السلامةتها وغشوتها وتلحق باخوها ويطلعون للمستشفى .
وفي المستشفى يطق الباب على مها ..
مها بصوت متحشرج مبحوح: منووو؟
فاطمه وهي تدخل :انا فاطمه ممكن ادخل ؟
مها: السلام عليكم والرحمة فاطمه
فاطمه: الحمدلله على سلامتك .
مها: ....
فاطمه : انا عارفه ان اللي حصل ليكي ماهو قليل بس الله موجود يامها
مها تبكي ..
فاطمه: بس يامها خلاص اللي راح راح والحي ابقى من الميت
مها: اهلي يافاطمه شلون ماابجي عليهم وانا مالي غيرهم؟
فاطمه : طيب امسحي دموعك لان في ضيف يبغى يشوفك
مها باستغراب: منو هالضيف؟

يتبع
__________________

ههههههههههههه
سؤال انتي تكتبيهم ولا لاا

هههههههههههههههههههههههه

انطميييي

يالخبلة منقولينـ

لازم تفشل البنية

هههههههههه
سوري

القصة كبيرة جدا عاد حليوةعاد الي كسر خاطري يوم البنت امها وابوها واخونها يموتون من الحادث الي صار ليهمممممممممممممممممممم

اني احب اقرها لاكن: ههههههههههههههه